(1891) Refranes asturianos

link

A mas priesa, más vagar: ó si tienes priesa, toma vagar.

A cada gochín, llégai so Samartín.

Al enfornar, fácense los panes tuertos

Adórnate maderu, paecerás mancebu.

A gatu llambión, corteya dura.

A falta de pan, bones son tortes.

Al burru que non ta avezáu a la albarda, muerdei la altafarra.

Arriba (ó upa) rapaz, que la barba te ñaz.

Apelucái, mios neños, si queréis mantenevos.

Amistad de xenru, sol pell inviernu.

Alábate boroña, que no hay quien te coma.

Ante cas del rezador, non eches el noyu al sol.

Antón Peruleru, cad'un atienda al so xuegu.

Al que quier bailar, pocu son i basta.

Añada en na sierra, fame en la tierra.

Ave de cuchar, más come que val.

A quien bien quiés, una ó tres.

Atapéme y toos me vieron.

Al redor del santu, come'l freru.

A la cibiella, de pequeñina.

An q'ando vistiu de llana, non so carneru.

Bolsa sin dineru, llámoi yo pelleyu.

Burra de munchos, cómenla los llobos.

Barba bermeya, nunca bona pelleya.

Burru fó Perico a Uvieo, burru fó y burru vieno.

Bien adivina la vieya, el cantar de la corneya.

Bona tela fila, quien bon neñu cría.

Campana por gaita, y los cures pon danzantes.

Cacarexaba la pita en ñeru, cacarexaba y non traia huevu.

Cielu empedrau, al otro día moyau.

Castaña cayuela, que'l gochu non te cueya.

Con sidra aneyo, vólvese mozo la xente vieyo.

Carne con gusanu, cómalo el perru.

Cuantu más tocín, meyores berces.

Cantaba Marta, después de farta.

Cuando á cambes á cambes, cuando á bolses á bolses.

Cordudera sin dedal, cuese pocu y eso mal.

Cordudera mala, filu d'á vara: cordudera güena: filu d'á media.

Cada cual de lo que trata, y los xastres á coser.

Cuando te den la cabriquina, acudi con la cibellina

Comprar y vender, cad'un pe lo que pudier.

Colada y casamientu, quier escalientu.

Cirgüeyos y prunos, toos son unos.

Cuando la cabrina berra, toos van tras ella.

Cada gochu al so cobil.

Con pan y vin, s'anda el camin.

Canta el carru lo que hevia cantar la carreta.

Con ayuda de vecinos fexo mio güela una casa.

Dixo Abril, el retozu ye pa min.

Después de vieyu, gaiteru.

Diz la pega porque non digan d'ella.

Dixo el cazu á la caldera, quítate d'ahi negrera.

Dixo el cazu a la sartén, quítate allá no me enlluxes.

Onde vas Miguel? Onde la burra quier.

Diz mal el fartu col famientu.

Déme daqué, si quier, y si non fasta mas ver.

D'Uvieo al cielo y allí un furaquín pa ver á Uvieo.

De puru vieyu el to tratu, tien forruñu y fai el fatu.

El que guarda, afaya.

El llaviegu mal llevau, dexa el cuerpu quebrantau.

El que quiera ñabos, vaya a rancallos.

El dineru del Tufuru, hoy míu, mañana tuyu.

El dineru del vecín, con un garabín.

El ruin arvíu, desque come ha fríu.

El llocu y el borrachu, diz lo que tien en papu.

El día de San Andrés, ante la puerta, la ves: (la ñeve).

El que va lloñe á casar, va engañau ó va 'ngañar.

El trabayu del neñu é pocu y el q'lu pierde un llocu.

El día de la Ascensión, cereces en Uvieo y trigo en León.

El casau, casa quier.

El fumu y la mala cara, saquen la xente de casa.

El que s'abelluga debaxu la fueya, dos veces se mueya.

El bollín y la bollina, too sal de la fariña.

El mal y el bien, al rostru bien; el bien y el mal, al rostru sal.

El que muncho trabayó, nunca bona vida tuvo.

El que non tien pepu, non ye güepu.

El que fo á la romería, s'arripiente al otru día.

El q'á los soos se asemeya, en nada yerra.

El que da lo que tien antes que morra, merez que í den con una porra.

El comer y el arrascar, non quier más que prencipiar.

En tierra moyada, non des fesoriada.

En Xineru, cuaya l' agua en pucheru

En Febreru, entra'l so en caa regueru.

En partir el quesu, se coñoz el ñeciu.

En Mayu, quema la vieya el tayu.

Entra Mayu y sal Abril, les mayuques han venir.

Está escuro y güele á quesu.

Espúrrite que xela y la manta ye vieya.

Eso tien quien fai lleña en mal llugar.

Escudiella panda, lléname el güeyu y sácame l'alma.

Ensertar en árbol vieyu, nin llena el platu ni el güeyu.

Faluca despaciquín, que non l'oya to vecín.

Fai su agostu y cria el neñu.

Fui pa casa del vecín y avergoncéme: golví pa mió casa y rendiéme.

Fiu de cabra, cabra ó cabritu.

Gatu escamau, al agua fria tien mieu.

Gatu con guantes, ñon caza.

Güe sueltu, bien se llambe.

Gorberu sin moyar, que non piense na cuyar.

Güe avezau, golvi al prau.

L'hacienda del ruin, gástase dos veces y sin llucir.

La tierra de la ortiga ye pa la mió fia: la de la paniega pa la mió nuera.

Lo que ye buenu pal fégado, non ye bono pal bazu.

La muyer, pata coxa y en casa.

La muyer y la sardina, piquiñina.

La casa en que non hay boroña, too ye roña.

La casa en que no hay panchós, toos roñen con razón.

La bona filandera, poles mañanes empieza la tela.

La bollina y el bollín, too sal de un celemin.

La que se aveza a poca ropa, con una xayiquina ponse lloca.

Los arrieros de Morcín, siete afayen un rocín.

La salú come y non los dientes.

La fame ye negra como una suegra.

La semana que vien, vienen los xastres, si non en llunes en martes.

Lo que ruxe, ruxe; lo que non quedóse.

Madrugar pa non fer nada, ye llocura ó ye bobada.

Más val ratu antainau, que día embalagau.

Moza fiestexera non quier llunes.

Molín que non tien maquila, ye como güe sin esquila.

Más da el duru, qu'el desnudu.

Magüestu per Navidá y fuxó la señardá.

Muera el gatu y muera fartu.

Mucha llonganiza, empapiz.

Marzu airosu, Abril lluviosu.

Mayo pardu y Xunio claru, señal de bon añu.

Marzo marciando y Abril peñerando.

No me da más que me llamen olleru, que yo del burru sacu dineru.

Nunca llovió que no abocanás.

No hay can que non coma una panoya.

No hay sábado sin sol, nin domingo sin Siñor.

Non trabayar y comer, non puede ser.

Non lo quiero, non lo quiero, pero échalo en capiello.

Por San Martin una mazana á cada rapacín.

Por qué non bailes, Pedro Medero? Porque non quiero.

Pior ye de llenar el güeyu qu'el botiellu.

Perru vieyu y perru nuevu, fai ruin xuegu.

Pa un axuntaor, nunca falta un esparceor.

Padres y fíos, pe les obres son amigos.

Peñerina nueva, bien peñera.

Pa con Dios, tener pel carru.

Piensa el lladrón que toos son de su condición.

Per Agostu, fríu en rostru.

Petiguñón, petiguñón, too lo quiés pal to zurrón.

Per un puntu, perdió el gatu el untu.

Per sí ó por non, el capiellu pon.

Po la mor d'un lladrón, pierde cientu el mesón.

Quien fai un cestu, fai cientu si i dan banielles y tiempu.

Quien tien chichos y ñarvasu, guarde d'ello pa Marzu.

Quien te fexo ricu? - El que te fexo el picu.

Quien se viste de ruin pañu, dos veces se viste al añu.

Quien te mira, bien te quier y no te lo da á entender.

Quien yunta en la ceniza, esparce en la fariña.

Quien come les olles, que rece les hores.

Quien non tien panchón, ye que pa ganalo non se dispón.

Quien poco sabe, lluego lo reza.

Quien non come carne, non i pega al diente.

Quien primero va al molín, primero muele'l copín.

Quies casate y quies rogate.

Quiés vete fartu? por cada día aforra un cuartu.

Quies uno en papu y otro n'el sacu.

Quiés el xiblatu? daca el cuartu.

Qué pena tien Toribu, si tien el pan cocidu.

Ruin con ruin, qu'ansi casen en Serín.

Reunión de conceyu, pérdida de pueblu.

Sal quier el güevu, y un garabín pa revolvelu.

Setiembre, ó lleva les puentes o seca les fuentes.

Si yes mayorazgu, pa qué quies les lletres.

Si Febreru non febrea, pa Marzu lu apareza.

Si non perdiz, panoya de maíz.

Si la fixiste en Paxares, pagarásla'n Campomanes.

Si tienes casa y orro, contigo m'acomodo.

Si mirendé'n Infiestu, saquélo del mió cestu.

Sebe de munchos, prao en abertal.

Tantarantán foyuelu, dixo la vieya al vieyu.

Toos los coxos van pa Santana, allá voy yo con mió pata galana.

Tan aina va el carneru como el corderu.

Tenga padre y tenga madre y el mió sacu fariña.

Tien mayor el güeyu qu'el botiellu.

Una faba non fai olla, pero ayuda á l'otra.

Una fartura, tres díes cura.

Una vida y una capa, mucho tapa.

Val más llibra de tratu que arroba de trabayu.

Vienen les cabres del monte á echar les oveyes de la Corte.

Xente d'Uvieo, tambor y gaita.

Xibla Antón, que cabres son.

Xugar y non perder, non puede ser.

Ye vieyu l'alcacer pa zamploñes.

Zapica que non te llena, non merez la pena.

CARTAFUEYOS D'ASTURIES, por Fermín Canella y Secades